काराबाओ कप : दोस्रो सेमिफाइनलमा आज म्यानचेस्टर डर्बी भिडन्त हुँदै

काठमाडौं, पुस २२
इंग्लिस नकआउट क्लब फुटबल प्रतियोगिता इएफएल (काराबाओ) कपमा आज दोस्रो सेमिफाइनल खेल हुँदैछ, जहाँ प्रिमियर लिगका दुई हेभिवेट टोलीहरू म्यानचेस्टर युनाइटेड र म्यानचेस्टर सिटी भिड्दैछन् । कपको सेमिफाइनलमै यसपटक म्यानचेस्टर डर्बी हुन लागेको हो ।

आजको खेल युनाइटेडको घरेलु मैदान ओल्ड ट्राफोर्ड रंगशालामा नेपाली समयअनुसार राति १ः३० बजेबाट सुरु हुनेछ । यो सिजन प्रिमियर लिगमा उत्कृष्ट लयमा रहेको युनाइटेड आज सिटीलाई आफ्नो घरेलु मैदानमा स्तब्ध बनाएर फाइनलमा स्थान तय गर्न चाहन्छ । प्रिमियर लिगका खास प्रतिस्पर्धी खेल्ने भएकाले आजको खेल रोमाञ्च्क हुनेछ पक्का छ ।

गत राति पहिलो सेमिफाइनलबाट टोटनह्याम फाइनल पुगिसकेको छ । उसले तल्लो डिभिजनको ब्रेन्टफोर्डलाई २–० ले हराएर फाइनल प्रवेश गरेको छ । आज राति डर्बी भिडन्तको विजेताले कपको उपाधिका लागि टोटनह्यामसँग प्रतिसस्र्धा गर्नेछ ।

प्रकाशित मिति २२ पुष २०७७, बुधबार १२:१७
Loading...